Ndako ya Nzambe, esika ya kogumbamela ya bonkoko
Esika ya kogumbamela esengeli kozala esika oyo moyengebeni nyonso to mwana nyonso ya Nzambe akendaka mpo na koyeba pete to kozongisa lisusu boyokani, bondimi na Ngai Nzambe. Mpo na yango, esika ya kogumbamela esengeli kobeta na bopeto, na Solo mpe esengeli kozala na boyokani ya malamu na Mibeko na ngai, Mitindo na ngai mpe Mokano na ngai. Na esika ya kogumbamela, makambo nyonso esengeli kosala ndenge moko na kogumbamela Nzambe ndenge basalaka na Likolo, pamba te ezali na lolenge moko kaka ya kogumbamela Nzambe Monene ya Likolo. Na esika ya kogumbamela ya lokumu, moto nyonso oyo azali na molimo ya polele asengeli koyoka bozali na ngai, kopusana na ngai...
Esika ya kogumbamela esengeli kozala esika oyo moyengebeni nyonso to mwana nyonso ya Nzambe akendaka mpo na koyeba pete to kozongisa lisusu boyokani, bondimi na Ngai Nzambe. Mpo na yango, esika ya kogumbamela esengeli kobeta na bopeto, na Solo mpe esengeli kozala na boyokani ya malamu na Mibeko na ngai, Mitindo na ngai mpe Mokano na ngai. Na esika ya kogumbamela, makambo nyonso esengeli kosala ndenge moko na kogumbamela Nzambe ndenge basalaka na Likolo, pamba te ezali na lolenge moko kaka ya kogumbamela Nzambe Monene ya Likolo. Na esika ya kogumbamela ya lokumu, moto nyonso oyo azali na molimo ya polele asengeli koyoka bozali na ngai, kopusana na ngai. Nsima ya libota, esika ya kogumbamela esengeli kozala esika ya malamu koleka mpo na koteya bato na ngai na molimo.
Kala, Mwana na ngai Yesu alingaki kozongisa mobeko oyo na ba synagogue. Kasi mawa, mawa mingi! Mosala na ye etikalaki pamba, mpe mibu nkoto mibale nsima, makambo ekomi mabe koleka.
Lelo, bino bato, bozali komema bonkoko na bino, misala na bino ya molili na ndako ya Nzambe, bozali koloba ete bozali kogumbamela ngai. Mpo na nini bozali kosala makambo oyo nyonso? Bozali kobosana etinda na ngai oyo elobi: "Nazali Yawe Nzambe na yo, okozala na banzambe mosusu liboso ya elongi na ngai te!"?
Nazali solo Nzambe moko kaka mpe ya se moko, Nazali oyo azali, Alpha mpe Omega, Yawe ya Banguna, Nkosi ya libota ya Yuda, Nazali Nkolo ya ntango mpe ya makambo, Nazali Mosantu ya basantu... Bongo, bino basali na ngai, bozali kosala nini mpo na kobongola makambo oyo nyonso, bopengwi oyo nyonso?
Bino bato, bozali na limemya te mpo na Nzambe oyo bozali koloba ete bozali kogumbamela. Bozali kosalela nani? Bozali kotelemela nani? Bokeba na misala na bino nyonso! Bokanisi ete nazali komona bino te?
Bonkoko, soloka ezali koleka na ndako ya Nzambe. Bazali kosala misala ya Satana mpe bazali koteya bato ya Nzambe mokolo na mokolo na miso ya bato nyonso oyo bayebi. Bino basali na ngai, boyebi, bozali komona, kasi eloko moko te ezali kobongwana mpo na bozanga misala na bino. Bozali kovanda, bozali kobanga makambo oyo pamba te bino moko bozali kotambola na bomoi oyo ekokani te na Liloba na ngai. Bino nyonso, ndenge bolobaka na maloba na bino, "lokolo moko na kati, lokolo mosusu libanda". Vous avez tous, comme vous le dites si bien dans votre jargon, « un pied dedans, un pied dehors ». Solo, bozali koteya bato ya Nzambe te kolanda Liloba ya Nzambe. Bozali na bondimi te na Ngai Nzambe mpo na koyeba ndenge nini ndako ya Nzambe esengeli kosala ya solo. Bozali kokata makambo na bino moko, na mokano na bino moko.
Ndako ya Nzambe ekomi lelo esika ya kosangana mpo na bonkoko mpe soloka. Molili emibangaka lisusu te kokota wana pamba te nazali lisusu wana te. Ezali na bosolo te na kogumbamela ngai, na losambo oyo bozali koloba ete bozali kotindela ngai. Bozali kosala maye na esika ya losambo ya motema mpe ya bosolo. Bozali pamba mpe mitema na bino etonda na misala mabe.
Bozali kobosana ete Pole mpe molili ekoki kovanda esika moko te? Bozali kozwa banzambe ya bapaya mpe bozali koloba ete bozali kogumbamela ngai nzokande mokano na bino ya se moko ezali kozwa lokumu mpe nguya ya ntango moke.
Nalobelaki bino te ete na mokolo ya suka bokoloba: "Nkolo, Nkolo, tosakoli te na kombo na yo? Tobengani te ba demon na kombo na yo? Mpe tosali te bikamwa mingi na kombo na yo? Bongo, nakoloba na bino na polele: Nayebi bino liboso te, bolongwa na ngai, bino oyo bozali kosala mabe"?[1].
Bokanisi ete na mokolo ya suka bato nyonso bakokende na likolo? Yesu azalaki kokebekisa bino na maloba oyo: "Bokota na ekuke ya moke. Pamba te monene ezali ekuke, mpe monene nzela oyo ememaka na libebi, mpe ezali na bato mingi oyo bakotaka na nzela yango. Kasi moke ezali ekuke, mpe ya moke nzela oyo ememaka na bomoi, mpe ezali na bato moke oyo bamoni yango."[2].
Lelo, mpo na kobima na mobulu oyo bozali, bosengeli konyokola bino moko makasi. Mpo na yango, "soki loboko na yo ya mobali ezali kopesa yo libaku, kata yango mpe bwaka yango mosika na yo; pamba te ezali malamu na yo ete eteni moko ya nzoto na yo esila, mpe nzoto na yo mobimba ekende na lifelo te."[3]. Lisusu, boyeba ete "bokonzi ya Likolo banyokolaka yango makasi, mpe ezali bato ya makasi oyo bazwaka yango."[4].
Bobongola mitema! Botika banzela na bino ya mabe yambo etani! Tika ba oyo bazali na matoyi ya koyoka bayoka.
[1] Matthieu 7:22-23, [2] Matthieu 7:13-14, [3] Matthieu 5:30, [4] Matthieu 11:12
Nsango eyei uta na Nkolo Nzambe mpe etindami ndenge ezali.
Likambo ya motuya: Bosalisa mpo bato bayeba Solo na KOPANZAKA yango epai ya bato ebele oyo bokoki. NZAMBE APAMBOLA BINO !
Traduction du message original "L’église, lieu d’adoration de la tradition", disponible sur AGA News
En cas de difficulté de compréhension des textes, référez-vous au message original en Français.
AGA News - TIA Lazare
Source Ph. illustration: www.hiclipart.com, www.freepik.com
