Bomoi ya libala: mwasi azali reine ya ndako mpe mobali azali mokonzi ya ndako

Mibali ya mokili oyo bakanisaka ete kobika na libala ezali likambo ya pamba. Ndenge moko, bamikosaka kokanisa na pete mpe na romantisme mpo na kotonga ndako. Koleka, bandimaka ete kokota na bomoi ya libala esengeli kosalema na bolanda ya moko modèle ya tango. Te, likambo yango ezali ya sembo mpe ya mozindo koleka yango, mpo ezali bondimi mpo na bomoi mobimba, bondimi oyo esengeli kosunga mobali mpe mwasi, kozonga elongo na nzela ya Paradiso, na boyokani mpe boyambani oyo ekokikelaka te.

Kondima kobika na libala, ezali kondima na bolingo, kosunga ata na mikakatano, molimo-ndeko na yo, moto oyo olingaka na motema mobimba, mpo na kokoma malamu, kopetolama, kolongola mbeba, mabe, bizaleli ya mabe na tango ya mokili. Yango ekosalema mpe mpo na bana oyo libala ekondima kozwa, na mikolo ekoya.

Nayebisaki bino yango na maloba oyo: "mobali akotika tata na ye mpe mama na ye mpe akokangama na mwasi, mpe bango mibale bakokoma mosuni moko"[1]. Mateya oyo bosengeli kobosana te na nsango oyo ezali botosi mpe limemia. Na maloba ya pete, yango elingi koloba ete tango mobali amoni mwasi na ye, asengeli komimona kati na ye; mpe esengeli kozala ndenge moko mpo na mwasi. Na mawa, yango ezali bongo te lelo: moko amonaka kaka mabe, mbeba ya mosusu.

Kolanda Ngai Nzambe, kondima kobika elongo, na libala, ezali bondimi ya motuya ya valere ya molimo oyo ezali mpo na bomoi mobimba na mokili. Mobali oyo amoni molimo-ndeko na ye na mokili, na nsima azwi mokano ya kobika na ye, asengeli koloba: "tokobika elongo mpo na kosungana, koyokana, kotosana, kolingana, kolanda mokano ya Nzambe. Na nsima, tokozwa bana, kosunga basusu na tango ya pasi, kozala na makanisi moko, koyokana, kondimana mpe kokanga motema na kondima."

Na mawa, bato ya mokili balandaka te makambo yango. Mpo na bango, kobika elongo elingi koloba, kosala bana, kosala nini mobali to mwasi asengi na moninga na ye ata soki ye aboyi. Mpo na bango, kobika elongo elingi koloba, koyokana te, kosungana te, komibomba moko na mosusu, kobika ntango nyonso na koswana, makambo ya pamba ya mokili oyo...

Wapi bozali kotia Ngai na ndako na bino? Bobosani ete ezali Ngai Nzambe nde nasali mabala liboso boya na mokili? Libala ya molimo esengeli kokokanisa makambo ndenge Nasengi. Basengeli kobika ntango nyonso na kobanga Ngai, koyeba ete Namoni moko na moko na bango na ntango nyonso mpe na esika nyonso. Lisusu, bomoi ya libala esengeli kotambuisama na Mokano na Ngai, Mibeko na Ngai ya Bulee mpe Mibeko na Ngai Zomi.

Nalobi na bino na Solo ete mobali azali mokonzi ya ndako mpe mwasi azali reine ya ndako. Ezali yango nde Nalobi na bino ete ndako esengeli kozala esika na Ngai ya bulee. Mobali mpe mwasi basengeli kobika na boyokani be mpo ete pole na Ngai engengisa ndako na bango. Nzokande, soki na ntina songolo, ekomeli ete bolingo esilaki na libala moko, na nzela moko te ya kobongisa, ekozala malamu kokabwana, elingi koloba kozwa divorce mpo ete libala oyo ezali kobika na bokosi, na moko oyo aboyi koyoka moninga na ye, ekobika na ndako oyo ebungisi valere na yango ya bulee.

Mwasi asengeli kotosa mobali na ye. Na ngambo mosusu, mobali asengeli kozala na bokebi mpe kosala nyonso mpo na mwasi na ye. Yango elingi koloba te ete ekozala na mikakatano te na bomoi ya libala. Bozangi boyokani ekoki koya na libala, kala osengeli koboya kotikala na kanda mikolo mingi, mpo na kopesa nzela te na zabolo oyo akoya kovanda epai na bino.

Bosengeli kobosana te ete tobalaka te mpo na lolenge ya libanda, nzoto, to mpo na biloko ya kongenga to bolingo ya mbala moko. Tobalaka na nzoto makasi mpe makoki ya kosungana mpo na kobongisa mabe mpe kolingana mpo na bomoi mobimba, atako na bolembu.

Botia Ngai Nzambe na kati ya libala na bino mpo ete Natambwisa bino mpe nalakisa bino nzela ya sembo ya kolanda. Bososola malamu likanisi ya libala, pamba te libala ezali bondeko ya bulee oyo tosanaka na yango te. Esengeli kososola yango malamu liboso ya kondima, pamba te topumbwelaka na libala te mpo divorce ezali. Na solo, bosengeli kobala mpo na kobika elongo na mikolo nyonso ya liyebisi na bino na mokili. Mawa na ye oyo akozala ntina ya kozanga boyokani mpe ya kokabwana ya libala. Ekoki kozala mwasi to mobali, bana na bango, baboti na bango ya pene to ya mosika, baninga na bango to moto nyonso. Moto yango akozongisa monoko mpo na mbano ya kozanga limemia ya Mobeko na Ngai ya Motoba "Okosala ekobo te", elingi koloba, okozala te ntina ya bokabwani ya milimo-bandeko mibale ekangani na libala elengemaki na likolo.

Ezali te mpo ete Nalobi na bino ete mobali to mwasi azali na milimo-bandeko mingi, ete bosengeli te kobunda mpo na moninga na bino ntango akwei. Na tango ya bozangi boyokani, koswana, bolembu, bosengeli kobunda na nzoto mpe molimo mpo na kobongisa likambo. Na solo, na libala oyo ebangaka Ngai na bosembo, mikakatano ezalaka kaka ya ntango moke. Libala wana elekaka komekama nyonso oyo eyaka na bango. Bango mibale basengeli kolingana atako na mikakatano ya bomoi. Basengeli kotikala na kondima, kokanga motema, komipekisa. Ezali yango nde Ngai nakomi lisungi, ndako ya makasi mpe nakengeli ndako na bango oyo ekokoma kongenga na Nguya mpe Bolingo na Ngai.

Bobatela mpo na kobika te na lolenge ya koyina na kati ya libala na bino, mpo koyina ekosalisa bino te kobika kolanda Mibeko mpe Mitindo na Ngai. Libala ya esengo, bolinganaka !

[1] Genèse 2:24

Nsango eyei uta na Nkolo Nzambe mpe etindami ndenge ezali.

Likambo ya motuya: Bosalisa mpo bato bayeba Solo na KOPANZAKA yango epai ya bato ebele oyo bokoki. NZAMBE APAMBOLA BINO!

Traduction du message original "La vie en couple: la femme est la reine du foyer et l'homme est le chef du foyer", disponible sur AGA News
En cas de difficulté de compréhension des textes, référez-vous au message original en Français.

AGA News - TIA Lazare

Source Ph. illustration: www.hiclipart.com